تصبر ياصبر

اذا مات الاسد من يحكم الغابة تظل تعوي الضباع وتحكم ذيابة
طفح نهر الصبر يعراق وزعل ماي النهر واختاض خنيابة
وحنة ظهرة المظيف وطاح وشيعمر المظيف بزعلة اشبابة
وبجة دجلة حزن وبجة الفرت وياه و دم الماي صار من نجرح زابة
وعلينة الليل جلجل بالليالي السود وشعر الراس شيب والكلب شابة
كصة بينة الحصار وجور السنين ومعروف الدهر من يبرز اتعابة
نتنخة الصبر وندك عليه الباب ومل منه الصبر وبوجهي سد بابة
بجينة شكد بجينة وخلص ماي العين وحفر خدنة الدمع والدمع نشابة
وكلة بينه السبع بس ما كضينة بساع مو مات السبع شو ضلت انيابة
مبارد هالركاب ويحد بيه السيف ورده معدن السيف وطلك كرابة
جندوب الصبر وك يازمن بس مالوم الزمان الكاصي بصحابة
نسه حتى الولي حيدر علي الكرار وسم سيفة الدهر صوبة بمحرابة
مانطلب طلب كبرة علة كبر الكاع ولا نشكي الدهر ما نذكر اصعابة
بل الخط العريض انطلع الزينات وفشل خط القلم والقوس ما قابة
نزاهات الحكم الفينات هواي وعلى خط القلم لازم رقابة
فكني من الارهاب وما اريد اسباب اهواي الموت عدنه وكثرت أسبابة
اذا بس العراق اتحملة سنين ودويلات الجوار شلون يا يابة
يسووهه رزم عبواتي بالتصدير وعلي مثل الجلب يتهدد ارهابة
هم محتل علية وهم علية ارهاب ضاع البخت بوية وكل شخص جابة
نكسر خاطر المحتل جايني من ابعيد ؟؟؟ رؤوفة امريكة بيه وحيل حبابة
كافي اهل الحكم خنطلك المحتل ترى هواي انتهك هالشرف والقابة
وتائثير العدو غير هواي اطباع مسح كلمة شرف وغير الشرف سابة
وعلى كتاب النبي كل يوم تقليد ولان شيعي الحكم كل يوم دولابة
جي شيعي الحكم تنتهك بالقران كتاب الباري هذا ونزل لحبابة
وما عندك هدف وكتاب غير كتاب تسب دين النبي وتصوب كتابة